Live Cameras
თხილამურებით სრიალი

თუ თხილამურებით სრიალი გიყვართ, მაშინ დიდველი თქვენთვისაა ზედგამოჭრილი. სათხილამურო კურორტი ბაკურიანშია, თბილისიდან მანქანით 2.5 საათის სავალზე. აქაური ალპური ფერდობები ქებას არ საჭიროებს - 4-5 თვის განმავლობაში თოვლით დაფარული კურორტი გამუდმებით იზიდავს მოთხილამურეებს. დიდველი გთავაზობთ უმაღლესი დონის კომფორტს და 14 კილომეტრი სიგრძის სასრიალო ტრასებს. სპორტული, აქტიური დასვენების მსურველებისთვის თუ მყუდროდ სასიამოვნო დროის გატარების მოყვარულებისთვის - დიდველი ნებისმიერ შემთხვევაში იდეალური ადგილია!

ამის გარდა, ამდენი წლის მერე სრულიად განახლდა და ამუშავდა კოხტას საბაგირო (27 დეკემბერი, 2015). 3,1 კმ სასრიალო ტრასა არის იდეალური მოყვარული და პროფესიონალი მოთხილამურე/სნოუბორდისტებისთვის. 6 კაციანი სკამებიანი ტიპის საბაგირო არის სრულად ახალი და მას გააჩნია შუაქლედური სადგური (1930 მ). ქვედა სადგურის სიმაღლე არის 1740 მ, ზედა სადგურის სიმაღლე კი 2180 მ. 
იდეალურად გაწმენდილი და მოწყობილი სასრიალო გზები დიდველსა და კოხტაზე მოგანიჭებთ სრულ სიამოვნებას! ეს ადგილები ნამდვილად უნდა ნახოს თითოეულმა ადამიანმა და ერთხელ მაინც გამოსცადოს მასზე სრიალი!