ეძებთ იდეალურ ადგილს თქვენი შვილების გასართობად? მიიყვანეთ ისინი პარკ „დიდველში“ - ეს ახდენილი ოცნებაა ნებისმიერი ბავშვისა თუ მოზარდისთვის.

მოთხილამურე მშობლებს შეუძლიათ, მშვიდად ისრიალონ მთებში, შვილები კი უსაფრთხო და მხიარულ ადგილას - გასართობ პარკში დატოვონ. პარკის ინფრასტრუქტურა და სათამაშო მოედანი ხისგან არის აგებული, რაც ჯანმრთელ გარემოს ნიშნავს. ბავშვები გაერთობიან 15 მეტრის სიმაღლის ციხესიმაგრეში, რომელშიც უამრავი საქანელა, სასრიალო და სხვა გასართობია. პარკში ნახავთ სამ გონდოლას, პატარა მატარებელს, ხის სკამებსა და ბევრ სხვა სახალისო რამეს. აქ ბავშვები ზამთრის სეზონს მხიარულად გაატარებენ. პარკის მთავარი ატრაქციონი პატარა გორაკზე დამონტაჟებული საბავშვო სათხიმალურო საბაგიროა. აღსანიშნავია ისიც, რომ პარკი შემოსაზღვრულია ღობეებით, რაც ბავშვების უსაფრთხოების გარანტიაა.

„დიდველი“ მუშაობს არა მხოლოდ ზამთრის, არამედ ოთხივე სეზონის განმავლობაში. პარკი თავშეყრის არაჩვეულებრივი ადგილია ბავშვებისთვის წლის ნებისმიერ დროს. ბაკურიანში სტუმრობისას მშობლები მშვიდად ისვენებენ, დარწმუნებულნი, რომ მათი შვილები ფანტასტიკურ დროს ატარებენ. ეს სრულიად უსაფრთხო ადგილია, სადაც თქვენი პატარები დარბიან და ერთობიან. საბავშვო პარკი „დიდველი“ ყოველთვის მზადაა, საოცარი გასართობები შემოგთავაზოთ.